李龍基嘆歌星新不如舊

已十年沒在港開個唱的李龍基,將於下月初在九展開騷,除了邀得方伊琪等好友助陣,他更會「搵命博」拉小提琴:「我細個自學,唔識用力,整親條頸,條頸淋巴位凸起一粒粒,醫生話再拉嘅話會生淋巴癌,所以唔敢拉太耐!」曾是80年代「酒廊王子」的李龍基,淡然回憶歌唱生涯的起跌:「嗰陣一個月賺廿幾萬,但冇咗健康,仲割咗個膽!之後90年代啲偶像派歌手係咁出,開始冇人搵我唱歌,仲試過出場畀人噓,叫我收檔。」轉型拍劇的他,幾年後又有機會唱歌:「多謝班新歌星表現差,不過謝安琪、鍾舒漫同G.E.M.都幾唱得。」

李龍基經歷各種起跌,難得仍能保存赤子之心。