Cheronna@Super Girls「約定」峇里島出嫁

今年工作不斷的女子跳舞組合Super Girls,成員Cheronna早前抽空遠赴峇里島參加朋友的婚禮,她笑言看到友人結婚非常感動,並會叫其他成員一齊到峇里島結婚︰「以前我冇咁嘅諗法,但依家好想,所以之前都有Send相畀其他成員,希望大家都會去嗰度結婚。」

此外,Cheronna透露於當地玩得樂而忘返,去了四日都唔捨得走︰「第一次到外地參加朋友婚禮,嗰度真係好靚,所以留咗四日,順便去玩衝浪、Shopping同睇日落,但唔知點解當時冇乜遊客,遇唔到靚仔有啲可惜!」

Cheronna認為於外地結婚很浪漫,故相約其他成員一起到外地結婚。

往峇里島參加朋友婚禮的Cheronna(左),順道四出喪玩。