馬國明畀朱晨麗電親

首次拍劇的上屆港姐冠軍朱晨麗,被同劇型男馬國明整蠱,大改花名「Morning朱」,非常肉麻,二人更經常互讚,馬國明指與她拍劇時過電,大讚她非常吸引!

朱晨麗首次拍劇已跟無綫兩大型男馬國明(馬明)及吳卓羲合作,恨死隔籬!朱晨麗對他們均讚不絕口,笑言兩人的優點加起來簡直是完美︰「佢兩個又高大又靚仔,係女仔都鍾意啦!」但要二選一,她卻表示好難揀︰「兩個都咁好,而且馬明喺我隔籬,唔揀佢可能會嬲我o架!」馬明即笑說︰「咁都真係幾難揀,因為我坐咗喺你隔籬,一係你要我個殼啦!」

誤認「陳法拉」

原來馬明未跟朱晨麗合作前,完全不知對方是誰︰「講真,之前對佢冇乜印象,知係港姐冠軍,都係第一日同佢拍《名媛望族》先知佢係咩樣。」朱晨麗更踢爆拍攝時被馬明叫錯名︰「有日佢以為我係第二個,但叫錯咗邊個就唔講喇!」馬明即時插嘴︰「係咩?真係唔記得,叫咗你做陳法拉?哈哈!」

拍攝後二人變得熟落,馬明更整蠱朱晨麗,為她改花名,他笑說︰「我哋幫佢改『Morning朱』,好多人有花名都會紅!」但朱晨麗顯然對新名不太受落,她說︰「起初真係聽唔慣,覺得個名好怪,但佢要咁叫都冇法。」訪問期間二人不時打情罵俏,莫非戲假情真?馬明卻說︰「拍套劇時都會有啲過電,小柔(劇中朱晨麗的角色)幾易吸引人,係人都想保護佢。」

專案組

馬明與朱晨麗互笠高帽,卻不擔心傳緋聞。

朱晨麗對於被改花名「Morning朱」,笑言非常難頂!