白健恩Chok王上身轉冬Look
潮流興大隻，前港男白健恩（小白）與羅仲謙獲無綫力捧，今年更有份角逐飛躍進步男藝員。近日有份參演劇集的小白，因飾演不同角色而未敢鬆懈。他早前現身銅鑼灣並穿梭多個商場，似是為轉季而到名店掃貨，身形甚Fit的他試衫時不時林峯上身Chok爆，不消一小時，即花了近6位數字付款。他其後走入大隻佬奶粉專門店，見他謹慎地選購，又不時聽取店員意見兼密密打電話給朋友。
白健恩其後接受電話訪問時說：「今年都接咗幾套電視劇做反派，為咗入戲啲，都想改變一下，所以我依家都特登留鬚，想變得型仔啲！（冬天仲練大隻？）練大隻係我興趣，嚟緊聖誕節接咗啲Job要騷肌肉，冬天都唔敢偷懶！」
小白為轉季做好準備，日前到各大服裝店買衫。
自言興趣是「練大隻」的小白，目不轉睛地望着大隻佬奶粉。