Voodoo Girls夜店打碟遇襲

人氣o靚模陳靜師妹組成的打碟組合Voodoo Girls，日前於夜店打碟，期間竟有西裝男「借醉行兇」，出招攬腰又欲影「一王六后」照，眾女嚇得不懂反應，Celia K.事後坦言被摸腰感尷尬，更指對方應自律。

由陳靜師妹組成的性感女子打碟組合Voodoo Girls，日前首度出擊，到中環夜店打碟，當中Celia K.（郭穎兒）、Mei Mei（曾善美）、Asa及Ayu上台表演，而最性感的Celia K.谷胸大騷事業線，吸引大批粉絲捧場，張建聲與溫超亦特地前往撐場。四女打碟時情緒High爆，不時手舞足蹈，Voodoo Girls中的兩位大師姐「爆E超蓮」Iris（鍾采羲）及「混血E神」Monna（林宜芝）卻到場齋坐，未有上台表演，但Iris依然畀足面谷行E Cup逼爆身材，Monna則密實上陣。

當影合照時，突然有位飲大兩杯的西裝男士衝上前突襲，欲攬住她們影「一王六后」照。眾女見狀即嚇呆，面露尷尬之色，該西裝男最後被保安及工作人員上前「請」他離開。Celia K.事後尷尬表示被對方摸腰︰「其實唔係好驚，呢幾個月喺內地打咗廿幾場碟，內地人好熱情。雖然今次只係畀佢摸腰，仲接受到，但希望大家自律！不過張建聲喺度，如果好危險我相信佢會救我。」

Iris被「抄牌」

Iris則自爆有艷遇，有西裝男問她取電話號碼︰「我見佢官仔骨骨，幾斯文，所以都畀咗電話佢。」而當日適逢公司的經理人施念慈生日，她們特地準備生日蛋糕，為到場打氣的施念慈慶祝。