歌手曹震豪（Wallis）擁有一顆熱血的心，閒時最喜歡當義工，教導非華語學生。日前他又到了社區中心做義工，教授小朋友魔術！因Wallis早已跟他們打成一片，故教導時絕無冷場，小朋友亦不時踴躍發問，Wallis說：「我好鍾意小朋友，佢哋好熱情！只要搵啱方法溝通，再引起佢哋興趣，其實佢哋都好聽話！」
不過，一般非華語的學生都比較活躍，Wallis坦言曾讓他非常激氣：「有次我用私伙道具變魔術，點知佢哋一見到啲道具就係咁搶，搞到啲道具爛晒！」
雖然畀學生亂咁舞，但曹震豪依然笑晒冇詐型。
曹震豪與非華語學生打成一片。
