王馨平翻Hit再獻Sing

闊別樂壇多年的王馨平（Linda），將於下月16日假九展舉行演唱會，憑電影主題曲再Hit爆的她坦言意想不到：「當初彭浩翔同我講翻拍咗《別問我是誰》MV，我都不以為意，但估唔到首歌會連帶套戲翻Hit！」加上粉絲的催促，Linda決定小試刀牛，在九展先搞一個小型個唱，與一眾「馨迷」親近接觸。

正密鑼緊鼓綵排的她透露已準備多套戰衣，並正努力練歌，希望能夠以歌會友。談到個唱內容，除了必唱《別問我是誰》外，Linda說：「我搜集緊大家鍾意我嘅咩歌，不過曾經有人話好鍾意我首《生命有價》，所以我一定會唱呢首！我係陳奕迅嘅粉絲，所以都會考慮唱佢啲歌。」