范振鋒「花心」辣慶老婆

新城DJ范振鋒（Ricky）百足咁多爪，最近頻頻在無綫上鏡做主持，早前又簽約「英皇電影」藝人部，集主持、歌手及演員於一身的Ricky自嘲是一個「花心」漢：「我覺得喺香港娛樂圈花心啲都冇問題，因為人大咗，會覺得有嘢做已經好開心，係恩賜！」

畢竟時間有限、工作無限，Ricky坦言工作量增加令老婆李思欣「詐型」：「試過自己收咗工又掛住玩，搞到冷落咗老婆！佢仲嬲到驚動外母，所以話在家千日好。」不過男人外出工作應酬實在避無可避，談到好友兼同事Ben（杜浚斌）早前被指北上尋歡，Ricky力撐好友：「如果身邊嘅朋友未結婚，又單身，我哋其實要畀番啲自由佢，更何況佢否認咗！」