為老公着想李思欣拒親熱

結婚不足一年的藝員李思欣,常與老公范振鋒情侶檔搵真銀,大呼「好搵過單身」的她說:「老公成日叫我拍多啲劇,賺多啲錢!不過我都鍾意情侶檔出騷,可以一齊為家庭出一分力,依家嘅目標係儲錢買樓,唔做『缺宅男女』!」她從未想過任何「造人」大計,反而想專注事業發展:「至少都要兩、三年後先會考慮。」

鏡頭前總要與男演員拍親熱戲,思欣直認老公「詐晒型」:「佢有話唔想我拍親熱戲,有時亦會同導演傾點樣可以借位唔真咀,甚至會唔要嗰場親熱戲!反而我着得性感佢又冇問題,不過我都有要求佢唔好拍親熱戲o架!」

處於事業搏殺期的思欣,決定「封肚」擱置造人。