許廷鏗出賣真心勁掙扎

巨聲幫出身的許廷鏗面對娛樂圈複雜的人事，加上突然間一言一行都被注視，令他陷入掙扎，未知是否可做回真我。

出道3年多，許廷鏗（Alfred）自問是個幸運人，不用寄Demo到各大唱片公司，求別人幫他出唱片。在4,000人裏被揀中成為第一屆巨聲幫，是他最開心的時期：「成班後生仔嘻嘻哈哈，觀眾對你又冇Expectation，可以唔使憂慮！」作為樂壇初哥，Alfred的成績相當不俗，他說：「上年我同欣宜數獎，一人有成廿幾個獎！但唔會因想Keep住咁多獎而有壓力，因為我知自己定位係咩，想做啲歌令人有共鳴同反思，所以想拎唱作獎多啲！」

被斷背緋聞痛擊

Alfred盡量做回自己，可惜他發現要在娛樂圈生存，生活上會有百般掣肘，他說：「原來喺呢行要好謹言慎行，人同人關係要好小心，一句話都會影響人哋對我嘅印象，一個動作或反應都會畀人大做文章！」最大的教訓莫過於他與男性好友在公園談心，被報道成同性戀者，他認真地說：「我好怕冇得再唱歌，但公司畀我好大Support，老闆仲親自打嚟關心我！問我有冇信心繼續做，我覺得好Warm，同埋意識到唱歌唔係我個人嘅事，係成個團隊嘅事！」

雖然Alfred希望毋須戴住面具做人，但他亦明白娛樂圈有其潛規則：「以前我會覺得點解要畀咁多框框規限，但依家我明白只要做得舒服，而又影響唔到人就OK！」