仙樂都胸壓王敏德

外號「仙樂都」的模特兒吳堯堯（YoYo）日前出席電單車節，冒寒以性感賽車女郎Look勁騷事業線，引得不少龍友喪影！問到曾否坐過男士電單車？她笑言18歲已考獲電車車牌，因家住圍村，揸電單車較方便，反而有不少男士要求坐她車尾：「但我多數唔制，會話冇頭盔唔可以坐！試過個男仔坐我車突然攬住我，我梗係鬧佢啦！但佢話好驚喎！」活動上，YoYo喜與嘉賓王敏德合照，更High爆胸壓對方，她笑說：「坐電單車係咁o架嘛！好開心同佢咁近距離，一直都覺得佢好型好Nice，原來佢仲好識搞氣氛添！（鍾意呢類成熟型？）相信好多女仔都鍾意！」