楊怡「鼻」無可避：下巴尖又插親人！

楊怡在台慶劇《名媛望族》中的角色情緒起伏很大，要與好戲之人劉松仁合作，她坦言很大壓力。戲中二人不乏親熱戲，提到一場她咬松哥唇的戲播出後引起不少回響，楊怡說：「戲中我對佢又愛又恨，其實拍嗰陣我哋都係一Take過，咬唇係表露好肉緊、好忟憎嘅一面，就算同邊個去做呢場戲，壓力都好大，松哥要求好高，每一個劇中角色佢都好着緊，希望我哋咁多個女角性格都有唔同，變咗我都會好緊張，而且劇中每個女角都做得好好，都要紓緩番自己壓力，過程要自我調整。」

對於被網友指「鼻頂」松哥，楊怡說：「我完全唔Care，佢哋要講任何嘢都可以講，話我瘦、削骨乜都可以講，我唔會介意，不過我反而覺得自己出嚟嘅造型好靚，唔通我膊頭瘦啲又會拮親人，下巴尖啲又會插親人嘛！好多嘢都唔受我控制。」