唐詩詠冇膽着泳衣選美

唐詩詠與陳豪早前到新西蘭為當地華裔小姐擔任表演嘉賓及評判,今次是詩詠首次擔任選美評判,問到有何審美眼光?她說「事前我都有同陳豪研究審美心得,我覺得美貌與智慧真係缺一不可,而且自信心方面都好重要,太過內斂嘅人會比較蝕底,真係要喺短短個幾、兩個鐘入面畀最好一面人哋睇,都唔係咁容易!(以前有冇諗過參加選美?)如果我有膽量就去咗啦!以前媽咪成日都叫我去,不過我真係冇咁嘅勇氣着住件泳衣喺人面前行來行去。」此行詩詠又跟陳豪去飲咖啡,她笑說:「搞到我好似咖啡女郎咁,我有叫佢下次拍特輯一定要帶埋我去。」

唐詩詠與陳豪拍住上到新西蘭揀索女。

陳豪變身專家,帶唐詩詠飲咖啡。