陳妙瑛被斟復出拍劇

前港姐林莉前晚以華麗女伯爵造型出席師姐陳妙瑛旗下的化妝學校Beauty Tech活動，早前不慎露點的她密實現身，她說：「封胸o架喇！好安全。（唔再畀點點出嚟？）可免則免，喺香港好似好尷尬，畀屋企人教訓咗，可能要喺外國先可以大解放。（有冇試過真空行騷？）有，做Model好正常。」身旁的莊思敏則表示露點亦要靚：「要顏色靚。（Pink？）係。」

陳妙瑛被問到可有戲癮，她說：「半年前有人搵我拍劇，係內地，但當時我咁啱喺澳門搞小生意，所以冇時間合作。（點睇政府發多個免費電視牌？）好難講，如果喺生意角度梗係會反抗，但觀眾嘅話就想要多啲選擇。」