胡定欣：可能溝通出錯

對於法拉被網友聲討，與她一同到英國等地拍攝《衝II》的吳鎮宇說：「法拉不嬲自己化妝，我擔心個法妝師多啲。」同行的胡定欣則力撐法拉工作態度投入又專業，不覺得對方態度差。至於化妝問題，她相信只是溝通上出錯，她說：「每個演員都有佢嘅化妝師，喺香港開工，演員都未必跟化妝時間出現。今次喺外地，唔知會唔會當中出現溝通問題，或者嗰朝好早，演員未必需要化妝跟場！」

此外，胡定欣前晚獲無綫頒發「十年服務獎」，她說：「知道同黎耀祥一齊攞十年金牌好愕然，我細細個已經睇佢做戲。」她很滿意過去十年的成績，希望今年能當選「最佳女配角」，作為入行十年的獎品及紀念。對於被指與馬國明在巴黎拍攝《衝II》時翻撻，已有新男友的她強調二人情已逝，現時只是好友，而現任男友沒有呷醋。