鍾嘉欣率先封后：攞咩獎都開心

憑劇集《護花危情》與法拉及徐子珊等爭視后的鍾嘉欣，昨日率先捧「視后」攞頭威！她出席手機發布會時獲頒「至Sharp『視』覺效果天『后』獎」，她笑說：「通常喺冇諗過嘅情況下都會有Surprise，今年會Keep住呢個心態去頒獎禮。」並透露已選好戰衣，但不會性感。對於無緣角逐「我最喜愛的電視女角色」，她坦言失望：「年年都有頒獎禮，又簽咗好長約，之後會繼續努力。（攞『傑出女演員』補數？）隨緣啦！攞咩獎都開心！」談及她代言的美容公司被指無牌行醫，她表示不知內情，但不擔心影響形象。

同場還有模特兒松岡李那，對於黃浩的餐廳爆出有藝人涉毒，經常光顧該店的她表示未聽過有藝人吸毒，亦未曾受誘惑。