與祥仔爭視帝郭晉安打定輸數

除視后爭到頭崩額裂外，視帝之爭亦非常激烈！憑台慶劇《大太監》成為大熱的黎耀祥，早前贏得百萬大獎，前晚又獲無綫頒發「十年服務獎」金牌，可謂鴻運當頭！他領獎後笑言時間過得很快，亦應驗了他的經典對白「人生有幾多個十年」，對於大有機會3度稱帝，他說：「希望啦！攞完再諗其他目標，如果真係攞到的話。」而其勁敵郭晉安將往馬來西亞出席被喻為台慶頒獎禮前哨戰的《ASTRO頒獎禮》，但他打定輸數：「《東西宮略》喺嗰邊播緊，但都冇信心贏祥仔。祥仔演《大太監》呢類戲係專長，劇情片着數啲，喜劇演員攞獎少啲。」至於馬德鐘雖已離巢，但仍憑《飛虎》提名視帝，他說：「我都唔知點解有份，好意外，但都開心，冇諗攞獎。」對於有指陳豪凍薪續約爭視帝，他笑說：「乜佢咁想攞咩？」