顧嘉煇唔怕Eason搞鬼

顧嘉煇率領嘉賓歌手綵排演唱會，群星出動，畀足面子，但顧嘉煇絕不怕被「喧賓奪主」，連一向百厭的嘉賓陳奕迅亦要「讓路」！

有「香港樂壇教父」之稱的顧嘉煇，昨日偕一班前輩級歌手鄭少秋、葉麗儀及仙杜拉等，為明晚開始一連六場的《顧嘉煇大師經典演唱會2012》進行綵排。煇哥透露將會指揮樂隊開場，並已度身訂造西裝，屆時老婆及一對仔女亦會到場支持。

秋官暗寸無綫

由於個唱粒粒巨星，客串嘉賓之一的陳奕迅（Eason）出名百厭搞鬼，問到可會擔心被Eason搶風頭？煇哥笑說：「唔驚，相信佢哋會畀足面我！」

而同場的鄭少秋自爆將會以閃爆戰衣示人：「件衫好重，因為由頭到腳都釘咗光管！（有合唱歌？）到時會唱串燒金曲！」對於被踢出台慶「視帝」入圍名單，秋官沒有失望，更暗寸無綫：「我過往有提名，但冇獎攞，不如唔好提啦！」又指將會缺席頒獎禮：「都冇份，去嚟做乜？（同王維基斟洽過檔？）有都唔講得啦！商業秘密。」