克勤「玩嘢」歡迎亞視踩場

歌手李克勤主持的無綫遊戲節目《決戰一分鐘》首播高開收視達30點，他前晚出席節目祝捷活動時感謝觀眾：「冇諗過會有3字頭，好開心，不過我哋都預計到啲遊戲係大家都想睇，會玩嘅，我自己都有信心可以挑戰7.5萬至12萬，所以歡迎各行各業嘅人嚟參加。（亞視藝人都有玩！）已經去到亞視喇？多謝多謝！歡迎佢哋上嚟參加。」

談及節目宣傳片被投訴不尊重父母，克勤尷尬地說：「家庭主婦要照顧細路，我細仔都玩疊生果，不過喺學校同公司就唔好玩，批評無論點都會有，會再小心啲處理。（遊戲小學雞？）第一集難度係低啲，驚觀眾唔慣同拎唔到錢，之後會正常番。」

克勤露兩手挑戰疊生果，省靚節目招牌。