孕味嘉欣步步為營

近日被傳孕味濃的李嘉欣，昨日穿上大露背裙出席Swarovski水晶聖誕樹亮燈儀式，曾揚言封肚的她近日轉口風，指造人與否要看上天安排。嘉欣透露聖誕前會帶囝囝旅行：「想帶佢去啲熱帶地方見識吓，留番最逼人嘅時候就喺香港！」問到可會趁假期造人？她笑說：「嚟緊蛇年應該唔會，我鍾意馬，不過呢啲唔係人控制到，老公叫我唔好諗。（明年努力？）一切睇上天畀唔畀再講啦！（之前又話封肚？）我好疑慮，見個仔大得咁快又好想重溫，但見到香港小朋友讀書咁辛苦就心大心細！」問到囝囝可有想要一個弟弟或妹妹？她說：「佢話No，不過佢兩歲未夠，可能唔知個問題問乜？」現場所見嘉欣行路時步步為營，她謂因腳患未愈而已，否認懷孕。

嘉欣穿鬆身裙出席聖誕活動，孕味更濃，落樓梯時小心翼翼。

嘉欣大露背上陣，上落都有人扶實。