楊崢情迷隊長G-Dragon
韓國勁旅Big Bang魅力遍全球，不少香港名人、紅星也是其Fans，難得偶像來港，自然諗計追星！曾「易容」到上海欣賞Big Bang演唱會的蔡卓妍（阿Sa）說：「我同公司請咗假，希望批啦！我覺得佢哋好靚仔，跳舞又勁，而且好紅呀！（同男友陳偉霆睇？）唔係，應該同祖兒睇。我有買佢哋嘅唱片，希望交流吓音樂心得！」曾到廣州捧偶像場的名模楊崢亦會入場：「我會去做嘢兼睇埋！我睇過佢哋嘅演唱會，最鍾意隊長G-Dragon，好欣賞佢嘅音樂才華，着衫又靚！」另一名模陳嘉容則鍾情成員T.O.P：「佢好靚仔、好Man！不過我唔會去睇喇！費事畀人踩扁！」
楊崢曾到廣州欣賞Big Bang演唱會，對隊長G-Dragon情有獨鍾。