古仔傷痕纍纍口都震
出爐金馬影帝劉青雲，前晚與古天樂（古仔）及李心潔在廣州拍攝新片《逃出生天》，電影公司安排了15部消防車、近60名消防員及大批臨時演員協助拍攝，吸引半百途人圍觀。古仔坦言今次受傷次數最多，雙手成為重災區，幸好不用縫針：「前幾日廣州得十幾度又落雨，我成日濕晒拍到口都震埋！」
另外，心潔雖貴為導演彭順的太太，但拍攝危險場面時亦沒有得到優待，她說：「拍一場爆破戲時，啲火一爆我感到背部有團火喺度燒，成個身熱到根本做唔到戲，導演未叫停我已經衝咗出去！有次吊威吔好大風，我怕吹咗入火場！」彭順亦坦言照顧不到太太，他說：「現場好多嘢要理，佢惟有繼續做啦！」
青雲、古仔及李心潔合作拍戲，耳目一新。（林楠廣州傳真）
劇組安排多部消防車，拍攝大場面。（林楠廣州傳真）