祥仔唔信續約換獎

藝人黎耀祥、金剛、小儀和蔡慧欣等昨日出席無綫飲食節目《街坊廚神食四方》祝捷會,談及有傳陳豪以原價續約TVB兩年,在台慶上被人糟質爭奪視帝寶座,因而「辣」林峯,同是視帝大熱人選的黎耀祥笑說:「你唔早啲問我?我陣間都會同陳豪拍新劇《傳愛事務所》,我幫你問吓佢。」祥仔對「續約換獎」傳聞習以為常,他說:「冇創意,一年有咁多小生續約,畀得邊個?續約換獎係最唔可信,不過近年嘅頒獎典禮都好成功製造到茶餘飯後話題,只要唔好太傷害性就OK。」談到今屆視帝、視后將一人一票選出,祥仔說:「最擔心觀眾投票係為咗抽部車,就全部投晒熱門,贏咗先有得抽似賭博,我覺得應該有份投都可以抽。」

黎耀祥(中)昨日出席宣傳活動時,有金剛和小儀餵食魚蛋。