葉玉卿為阿倫心郁復出
已16年沒有拍戲的前性感女神葉玉卿，最近盛傳回港復出接拍邵氏賀歲片《我愛HK2013恭喜發財》。身在美國的她昨日接受本報訪問時透露僅以口頭答應，尚未落實接拍：「大女Victoria知道我要返香港咁耐，就日喊夜喊，佢太黐身，反而兩個細仔冇乜嘢，我仲氹緊個女，因為會唔捨得！」卿卿坦言多年未有拍賀歲片，加上與譚詠麟合作，令她心動感興趣！談到好友吳君如游說她復出，現在卻跟對方打對台，卿卿笑指沒所謂，因為拍戲之外，還可以探望其89歲的母親。
而有幸演卿卿後生版的徐子珊，昨日對此大感興奮，她說：「好期待！知道劇組一直為搵呢個角色人物頭痛，卿姐又咁耐冇拍戲，依家加盟套戲，令到成件事都好靚！」