藝人鄭嘉穎昨日出席生髮產品宣傳活動，早前在內地拍劇傷眼的他透露現已埋口：「新劇出年一月開，嚟緊年尾可以接Job同出活動。（搵好多？）搵兩餐啫！我一向冇計住搵幾多，亦都冇乜點使錢，嚟緊希望工作多啲自由度，出年會喺內地開工作室。（舊愛王馨平同湯寶如開演唱會，會唔會做嘉賓？）我哋私下有聯絡，但佢哋冇請我喎！或者有時間會去欣賞。」問到會否趁機為視帝拉票，嘉穎說：「我呢年咁少喺香港，唔好意思拉票。（無緣競逐華鼎獎視帝感到失望？）出年再努力！」
眼傷已埋口的嘉穎穿上制服，一副文質彬彬的樣子！
