森美緣盡飛躍大獎嬲爆
森美前晚擔任九龍表行60周年晚宴司儀，其他出席名人有楊諾思及殘奧花劍金牌得主余翠怡等。森美現身時一臉疲態和愁容，原因是新劇《法網追擊》未能趕及角逐台慶頒獎禮獎項，他說：「咁遲先上冇得角逐，本來我係第二男主角，可以角逐飛躍大獎，依家冇得提名，覺得生不逢時，都有失望！惟有希望套劇反應好，依家望住人哋角逐都酸溜溜！（會唔會向TVB投訴？）冇得投訴，有得演已經好好！」
至於視后人選，森美坦言力撐徐子珊：「好鍾意徐子珊，之前我寫個廣播劇搵佢演，佢做足晒功課好專業，雖然有網友話佢段輪姦戲太短！」而視帝方面，森美則認為劉松仁是一流的前輩。
森美盛裝出任晚宴司儀，在台上台下皆大放笑彈。
座上客之一的余翠怡，入場前不忘簽番個靚名。