郭偉亮冇力洞房 老婆屈到病
日前剛擺完喜酒的葉佩雯（Grace）與郭偉亮（Eric Kwok），昨日首次夫妻檔出席活動，同場還有已婚的名模周汶錡。聲沙沙的Grace表示擺酒後便病倒，Eric則自爆因當晚沒有洞房而行衰運：「擺酒嗰日DJ Donald話咁多儀式做完，如果唔洞房會行兩星期衰運。好多朋友都咁講，我哋嗰晚冇洞房，尋日就因無聊事鬧交，所以洞房係一個發洩，冇發洩，屈住咪谷到病。（補番？）一定會！其實我當晚好想亦好信，但擺酒後唱K唱到六點，真係有心無力。不過，最主要係女人事（月事）。」Eric不自覺大爆老婆私隱，Grace聞言即叫老公收口，場面搞笑！
對於近日徐濠縈在Instagram張貼一張黃浩的照片而惹來李璨琛太太留言批評黃浩，令他揚言要告貼文者誹謗一事，Grace表示不作回應：「如果我再加把口，事件就沒完沒了，唔係事實唔需要澄清！」
郭偉亮與老婆葉佩雯恩愛行孖咇，更公然打情罵俏。
周汶錡盛裝打扮出席，盡顯少奶本色！