影星陳嘉桓和歌手江若琳（Elanne）出席《FLASHon》2周年慶祝派對活動。Elanne表示年底將到內地拍攝電影和電視劇。聖誕節將至，問到會否放假去玩？她說：「我想同朋友搞番個聖誕Party敍吓舊呀！（叫男仔去？）咁朋友唔係女仔就係男仔o架啦！（識番個男朋友？）隨緣啦！」
而陳嘉桓表示將與周秀娜拍攝微電影，並坦言終於不用武打演出：「今次以文戲為主，終於唔使再打啦！（要性感演出？）性感呢樣嘢留番畀娜姐啦！」
江若琳打扮愈見有潮味。
陳煒（左）與陳嘉桓齊擺出叉腰甫士，凸顯玲瓏身段。
