黎明曼玉重逢甜蜜蜜
昨日天王黎明（Leon）、影后張曼玉（Maggie）、歌手江若琳（Elanne）、鄭融及鍾舒漫等冒雨出席《聯合國兒童基金會慈善跑》活動，Leon與Maggie久未相逢，甫見面即互送抱抱兼全程帶笑密斟，他們異口同聲表示已有三年沒在慈善活動中碰頭，但期間曾在北京、上海相遇。
現場不停下雨，不過為善最樂又有美相伴的Leon心情靚爆，自言愛在雨中跑步：「大雨同細雨有唔同感覺，可以抗衡自己體能，面對挑戰，唔係太大雨比曬太陽跑好，因為身體會熱，落雨有冷卻作用，我自己揀落雨跑，太陽留番沙灘曬！」至於Maggie就暢談雲南探訪之旅，呼籲勿歧視愛滋病患者。而首次參加慈善馬拉松的Elanne跟朋友輸賭要跑畢全程，為活動籌得4位數字善款，而鄭融指因男友身在外地，故未能陪她跑。
Leon和Maggie齊齊出席活動，全程有講有笑。
Leon和Maggie見面即忍不住來個大擁抱！