謝霆鋒輸得勁開心
失落金馬影帝的謝霆鋒及張家輝，昨午齊齊戴黑超返港，異口同聲表示沒有失望，一致認同青雲實至名歸！霆鋒說：「冇諗過有獎，見到青雲得獎好開心！」談到青雲奪獎一刻，霆鋒比他更開心？霆鋒笑說：「咁都影到？我哋合作過吖嘛！」問張家輝會否覺得因太太關詠荷沒有相伴少了支持？他即笑說：「老婆又唔係吉祥物，唔可以太迷信，要睇運數同對手！太太要開工拍TVB劇，佢想做就做囉！」
而謝婷婷前晚出席活動時笑指哥哥霆鋒「輸得抵」：「相信佢都覺得值，佢鍾意畀應該贏嘅人贏！（安慰？）佢唔需要人呵，尤其係劉青雲贏咗！」
而兩「獎」皆空的杜汶澤幽默地在Facebook笑指經理人霍汶希批准他召妓發洩，他即笑言簽對了經理人； 昨晨已隨即出發旅行的他留言，勉勵各輸家別太在意得失，明年再接再厲。
霆鋒與家輝（左）結伴返港。