劉嘉玲痛斥毒禍

近日娛樂圈驚爆群星涉毒事件，前晚劉嘉玲出席活動時直斥此行為不當，她坦言曾被引誘做壞事，但因定力夠，沒讓對方得逞。

劉嘉玲與名模姚書軼、Mandy Lieu、陳祉妤、松岡李那及蔡恩真等，前晚出席MCM與香港遺傳性乳癌家族資料庫合作推出《粉紅袋慈善購物》計劃的酒會，品牌大中華業務發展及營運總裁簡健英亦現身支持。

最近娛圈驚爆群星在食肆涉毒事件，嘉玲直斥毒品對身體有害：「無論係唔係公眾人物都唔應該吸毒！更加唔應該喺公眾地方犯法，做人要承受後果！」問到會否擔心影響藝人形象？嘉玲無奈地說：「啲人係都要戴有色眼鏡睇就會戴！應該要理智去睇件事。不過人誰無過？少少錯誤應該要畀機會改過！」至於有否曾被引誘吸毒？嘉玲笑言沒有人夠膽引誘她：「有受過唔好嘅引誘，但要睇自己嘅定力。（有冇見過人吸毒？）我唔會講，因為喺某啲國家係合法。」

偉仔以禮「代」人慶生

下月生日的嘉玲打算平靜地度過，她說：「嗰排都有工作，生日唔係大件事，等我大壽先慶祝！今年休息吓。」由於老公梁朝偉忙於為《一代宗師》趕戲，嘉玲坦言未知對方能否陪她慶生，問到會否感不快？她笑着反問：「咩年紀呀？唔會唔開心。」她認為不一定要食飯慶祝，但強調要有問候和禮物：「人唔到禮到！（偉仔每年送禮？）係！有時要我尋寶，呢啲係情趣！」她早前曾透露《一代宗師》於今年上映，但似乎未能成事，嘉玲解釋她看電影宣傳指Coming Soon，豈料拖了數年。

此外，金馬獎昨晚揭曉，嘉玲希望劉青雲與杜汶澤奪影帝，並覺得青雲跟自己命運相似，出席頒獎禮往往只是戥人高興，又大讚他有實力，而影后則看好《浮城謎事》女主角郝蕾。