雨神Eason叫「迅徒」準時
歌神陳奕迅（Eason）將於澳門舉行最後一場世界巡迴演唱會，昨日他在澳門呼籲各位「迅徒」準時入場：「因為要準時交場，所以我唔會等大家，而且冇Encore，所以我唔講咁多嘢，會一直唱到尾！」將首次在中午舉行戶外騷的他又笑說：「我除咗叫吹神，仲可以叫雨神，因為幾乎做親戶外騷都落雨！」
提到好友Eric Kwok明晚擺酒，身為兄弟的Eason是否任玩唔嬲？他立即「射波」：「我有乜好玩吖！玩新郎啦！」他又自爆酒量極淺：「我試過做兄弟，朝早10點飲完，『Wing』到下晝5點仲『Wing』緊，所以我頂唔到酒o架！」
