郭富城想收Lynn露股年曆
郭富城及梁家輝等前晚出席電影《寒戰》慶功宴，慶祝該片在港票房大收2,700萬港元，兩人High爆各捐出5,000元抽獎。問到會否想膺影帝？城城笑言拍《最愛》時演出懶突破卻食白果，故不會再多想。提到女友熊黛林（Lynn）露半股拍年曆，他風騷大讚：「佢Super Model，身形點影都好睇！（年曆掛足一年？）最好送畀我啦！（真人都喺你隔籬攬住啦！）你哋真係好有心！」家輝則自爆去年初主演的邵氏賀歲片《我愛HK開心萬歲》爭他錢：「我服務香港電影30年，得罪唔少人，每個機構都有自己嘅遊戲規則，我收唔到錢嘅年代已經過去，唔希望再嚟！（追債？）追個仔呀？」有份投資的無綫高層樂易玲昨日表示沒可能，但會再跟進：「會唔會係根據電影票房（分花紅）？可能慢咗少少。」
城城（左）跟梁家輝在慶功宴重聚，即寒暄一番。
錢嘉樂（左）及李治廷合照時搭晒膊頭。