鮑起靜食兩家茶禮冇尷尬
藝人鮑起靜、陳啟泰及朱慧珊等出席《亞洲電視55周年星光大典》拜神儀式，既幫王維基的城電拍劇，又替亞視做節目的鮑起靜說：「身份唔尷尬，同亞視冇約，始終有感情。（支持發牌畀城電？）多工作機會梗好。（亞視借節目鬧王維基？）可能商業行徑，鬧唔死人嘅，唔信王維基會被鬧倒，ATV夠成日被人鬧，我講咁多，唔知王征會唔會嬲呢？」朱慧珊說：「發牌好似有啲矛盾，無綫、亞視投資咁多年，好似有啲唔公平，希望政府好好處理。」陳啟泰則說：「之前應亞洲會邀請出席政總集會，去到唔係預期咁。（受騙？）唔係，係表達不同意見。」
