露口風「回巢」阿佘即入圍
近期全力北上賺人仔的佘詩曼，昨日出席洋酒店開幕時透露明年會返無綫拍劇，提到憑《天與地》再爭視后，她說：「做好自己本分，做好角色，已經夠。（有冇信心贏楊怡同徐子珊？）信心同攞獎係唔成正比，有冇信心係冇用。佢哋兩個角色好大發揮，做得幾好。（睇好邊個？）個個都好。」問到是否贊成政府發牌給CTI？阿佘說：「交畀政府。（無綫登廣告話要有穩定經營環境？）係大公司同大公司之間嘅事，我哋唔好干涉，但作為觀眾，多啲良性競爭係健康，但要有好質素。」
同場的馬詩慧表示試過搭飛機時飲一小杯酒便暈倒，自此不敢喝酒，直至近年受丈夫王敏德影響，才開始品嘗紅酒。
佘詩曼適時透露明年返娘家拍劇，莫非想乘機拉票再爭視后？