陳威全爆老孫「斷背史」
馬來西亞歌手陳威全前晚於香港開處男騷，孫耀威自爆曾除剩三角底褲，與威全同床大講心「底」話，由於兩人私交甚篤，威全老婆更誤當老孫是斷背小三，認真搞笑！
陳威全前晚來港舉行首個售票音樂會，由hEhA Music主辦的陳威全香港「傾聽Music Night」。一班圈中教會好友王君馨、高皓正、李卓庭及謝文雅等撐場，威全老婆Jenny更專程由台灣來港支持老公。他亦冧爆回禮，對着老婆大唱張學友的經典廣東情歌《你的名字我的姓氏》。
與啤梨互笠高帽
威全前晚的處男港騷，請來孫耀威（老孫）及葉文輝（啤梨）擔任嘉賓，他先與啤梨跳舞過招，啤梨亦不禁大讚：「佢學咗一個鐘就識，真係好快！」謙虛的威全則自嘲肢體不協調，指全賴有啤梨的悉心幫忙。
威全其後與老孫合唱《愛的故事上集》，兩男在台上攬頭攬頸，老孫說：「我哋以前成日傾電話，威全老婆笑我係小三！」威全爆料指曾在老孫家借宿一宵，豈料老孫沐浴後只穿三角底褲，更趴在床上促膝談心！老孫打趣說：「我真係好似佢男朋友咁！」面對好友的「底」死誘惑，威全亦嚇呆：「估唔到佢會唔着衫！」二人不擔心被傳斷背，老孫說：「我平日喺屋企裸跑，佢喺度着番條三角褲都算係咁！」
陳威全獻歌藝又晒琴技，多才多藝，讚！
李卓庭（左起）、高皓正及謝文雅齊齊睇騷。
老孫獻Sing又送抱，看來與陳威全勁Friend。
孫耀威（老孫）
啤梨（右）飛身攬攬，連雙腳都離地o架！
葉文輝（啤梨）
陳威全舉行簽名會，一班粉絲最開心。