武指程小東：事前檢查好重要
對於黃曉明因斷威吔跌傷，著名武指程小東說：「拍吊威吔戲，就算幾小心都唔會百分百安全，事前嘅檢查好重要，因為威吔會有金屬勞損，我平時啲威吔用一、兩次就唔會再用。」他覺得今次意外（因大風引致吊臂發生偏移，令威吔脫離滑軌），實在非常罕見：「可能超級大風再加上吊臂吊到一定高度，所以先會發生呢次意外。（有冇得避免？）呢啲好難控制，突然間大風，冇人會知，吊臂一畀強風吹自然會搖動。」而劇組昨日發聲明指曉明左腳兩隻腳趾骨折、左手和右膝挫傷，程小東又指曉明今次因斷威吔受傷，傷勢不算嚴重，真的「大命兼好彩」，亦希望他可早日康復。
