陳庭欣走中「露」抗「高胸」轟炸
無綫台慶，女星胸群而出！高海寧、陳庭欣、楊思琦、岑麗香、何傲兒、田蕊妮、徐子珊等互鬥性感，其中以穿上紅色低胸裙勁谷四吋「心形胸」的高海寧艷殺全場，她說：「條裙係訂做，當送畀自己生日禮物。（頒獎禮再性感啲？）未知呀！」而陳庭欣以中門大開吊帶裙露半球迎戰，卻離罩現膠紙；何傲兒亦穿吊帶裙谷胸亮相，但用頭髮遮胸勁騎呢，她說：「個胸生咗粒瘡，呢件衫係我性感底線。」
穿上緊身長裙的楊思琦勁性感，可惜夾出四個胸，她說：「咪仲安全，唔會跌！（上圍勁升？）餵人奶嗰期豐滿咗一倍，但谷奶好痛，依家冇餵輕鬆晒！」至於「宅男女神」岑麗香轉玩透視誘惑，胸墊若隱若現，她說：「我都唔係性感路線，今晚係Barbie Look。」田蕊妮則罕有地性感，紅色長裙谷出三吋事業線，她說：「係揀衫嘅Stylist夠大膽！」
陳庭欣中門大開，圖搶無綫咪神之位！
思琦四萬咁口，滿意深長「事業線」。
何傲兒着低胸裙，但又用長髮遮胸！
田蕊妮罕有拋胸，行性感不甘後人。
高海寧谷出心形胸，誰與爭「峰」？