鍾嘉欣視伍允龍家人

鍾嘉欣舉行新碟簽唱會，有傳對她「情有獨鍾」的唱片公司老闆何哲圖依舊陪伴左右，嘉欣還賣口乖鳴謝老闆，又大方合照。而鮮有提及緋聞男友伍允龍的她更揚言視對方為家人。

昨日嘉欣穿上短裙為新碟舉行簽唱會，吸引約200位Fans捧場，曾被傳對嘉欣「特別愛錫」的星煥唱片公司老闆何哲圖，未有因早前的傳聞而避忌，親臨(目及)實嘉欣，二人應傳媒要求大方合照，嘉欣更擺出V字手勢。她在台上致辭時說：「多謝老闆畀機會我，多謝佢了解我嘅聲音。」

大會安排3位男Fans向女神示愛，當中有男Fans投入到單膝跪地，十足向女友求婚般。問嘉欣喜愛哪一種示愛方式？她說：「怕醜但有啲勇敢，中間位就最Sweet。」其後跟女Fans玩餵食遊戲時，她見食物沾到了女Fans的衣袖，即親手代為清理，其友善作風贏盡男女Fans的心。

與男友Love過聖誕

問到緋聞男友伍允龍可有支持她的新碟？嘉欣說：「有，好多拍劇工作人員、Fans同喺加拿大嘅父母都有買，希望多啲人聽到。」下月便到聖誕節，屆時可會和家人朋友如碟名一樣「Love Love Love」？她笑說：「所有人、家人同朋友都『Love Love Love』，（包括伍允龍？）佢係其中一個。」