蔡卓妍想生龍鳳胎

蔡卓妍昨日與師弟羅力威出席聖誕亮燈活動時透露想生龍鳳胎，但未有計劃，崇尚自然的她更明言不會考慮「雪卵」！

蔡卓妍（阿Sa）昨日與羅力威出席活動，獲兩位小朋友送吻。她表示想生龍鳳胎，但未有計劃：「如果生龍鳳胎最好，橫掂都痛，一次過抵啲！」並揚言不想以人工方法生龍鳳胎。問到與男友陳偉霆（William）是否有共識？她表示現階段不想生仔：「唔單止係錢嘅問題，照顧小朋友好大責任，我想自由自在啲。」

本月22日踏入30歲的阿Sa表示未計劃結婚：「希望40歲前結婚，唔知到時有冇人要。」並表示不擔心成為高齡產婦。至於會否考慮「雪卵」？她即搖頭說：「想自然啲，我想順產，痛一痛嚟傳承生命。」至於羅力威則說：「一定要結婚，要事業有成先，呢個係男人嘅天職！」又稱未有人為他生仔。

伊健嚇喊BB

此外，阿Sa與鄭伊健合作的新片即將上映，但伊健因在拍攝當日裝出惡樣，令小演員此後一見就到他就怕得大哭。另一邊廂，阿Sa拍檔鍾欣桐（阿嬌）昨日在微博透露患感冒及食物中毒，阿Sa即體貼地提醒阿嬌按時服藥及多喝水。