望「龍兒」開心 霆鋒自嘲冇人冇物
祖兒分享感情觀期間，霆鋒坐下一同受訪，令祖兒即時活躍起來！霆鋒力撐她與師兄：「今時今日咩年代，兩個單身嘅人開心咪得，唔通似我返到屋企冇人冇物！（你有兩個仔？）見佢哋都要有過程，呢樣已經唔同啦！（叫師兄對祖兒好啲？）唔講其他人，咁大個人。」祖兒即補充：「霆鋒一向都好支持我、好錫我！」
此外，談及好友郭偉亮（Eric）與葉佩雯下周舉行的婚宴，霆鋒表示要到西安出席手錶代言活動，只好缺席：「我都唔開心呀！你知佢係我嘅婚禮證婚人啦！所以我都同佢講對唔住！（送厚禮定拍片補數？）真係未諗喎！Eric仲話唔使我着番件神父袍添！」
霆鋒支持「龍兒戀」，望大家都開開心心！
Mani陪祖兒受訪，路過的霆鋒好奇眼望望，其後更坐下湊熱鬧。