敏之鼓勵高Ling晒料

陳敏之昨日出席馬場盃賽活動，提到今晚台慶，她表示已準備靚衫，但不敢與高海寧（高Ling）鬥身材：「我點都做唔到佢嘅效果，我會騷長腿囉！我都叫佢整勁啲，難得有咁嘅身材。」並稱會專注做趣劇扮太監及抽獎，她自爆：「我喺台慶大抽獎入咗最後45人嘅名單，伍姑娘（伍詠薇）都有份，佢話如果我中獎要分啲畀佢喎！」她透露曾於台慶中過三次獎，其中一次更是大獎，樓盤連現金價值近一百萬元：「我當年好窮，啲錢救咗我一命，但再中會畀同事鬧！」

敏之提起台慶，即笑得見牙唔見眼。