岑潔儀遊韓遭小學生歧視
藝人岑潔儀（Zoey）婚後變身少奶奶，經常外遊歎世界，日前撇甩老公偕女友人到韓國首爾旅行。到達購物天堂，Zoey當然不執輸買個夠，她說：「韓國有啲批發開通宵，行咗兩晚通宵，咁啱嗰陣有減價，我買咗兩大袋嘢！」濕平後，Zoey到水族館參觀，還徒手拿起海星影相，她笑說：「啲海星好得意，但係都幾臭，有陣腥味！仲有啲人餵魚嗰陣放少少魚糧已經有成千條魚衝埋去，好壯觀、好靚！平時喺香港睇唔到咁多咁靚嘅魚！」
去到韓國，不得不去常有韓劇取景拍攝的樂天世界，Zoey開心地表示可以重拾童真玩騎木馬：「排隊嗰陣畀小學生歧視，哈哈！」自言大膽的Zoey，極愛玩機動遊戲：「我本身都鍾意玩刺激嘅嘢！不過人大咗開始怕會有意外，細個嗰陣完全唔怕死，依家識得諗後果，但係又要驚又要玩！」
Zoey在樂天世界玩個不亦樂乎！
Zoey到水族館參觀，並拿起海星合照。
來到韓國不忘血拼的Zoey，滿載而歸。