朱晨麗骨膜炎忍痛綵排

上位小花朱晨麗在劇集《名媛望族》內的角色收多宗投訴，指她說話太多鄉音及經常哭哭啼啼，但無綫仍繼續力捧。原本她在明晚的台慶表演高難度動作，但昨日她在電視城排練時弄傷腰部，更要到醫療室敷藥，她表示前日已受傷：「我依家行同坐都好痛，好似有啲嘢頂住我咁，我頭先連腰都拗唔到，我前日去睇咗跌打，佢話我知唔關肌肉事，係有骨膜炎，即係骨頭同骨頭之間磨損得好勁而發炎。（影響台慶？）會，做唔到高難度動作，要改簡單啲嘅動作。（可惜？）係，因為都練咗兩、三個星期，同埋今次係我第一次正式參加台慶。」她在醫療室敷藥後，便繼續頂硬上為台慶綵排。

患骨膜炎的朱晨麗頂硬上為台慶綵排，難怪獲無綫力捧。