張文慈臨危抗敵「舞」腳軟
今晚擔任評判及表演嘉賓的張文慈，將與上屆冠軍邱士峻跳「踢撻舞」，自言不懂這種舞的她透露要3日內速成：「邱士峻兩個鐘就學識！（睇好邊個？）似古天樂嗰個張傳奇，佢台型都幾好，做演員OK！我都幾鍾意羅駿宇，但佢較為細個未夠成熟，而陳偉和就好鄰家男孩Feel，或者有機會三甲！」文慈今次臨危受命上陣搶收視，日前獲設計師Walter Ma借出鮮紅色晚裝，試穿後相當合身：「其實我想試啲紫色同粉色系列，Walter Ma（馬偉明）竟然畀我套鮮紅色，覺得好似嫁咁，初初有啲嚇親！但試咗又好Fit，佢仲教我化妝配合！」
另外，擔任司儀的顏子菲指各參賽者的條件都很好：「好彩我係做司儀，留番評判去揀！（心水？）好難揀，東方同外國人氣質冇得比，真係要選(9)柯俊威、(12)王凱、(24)張新威同(26)黃偉燐都OK，冠軍應該係柯俊威同黃偉燐是但一個！」
張文慈最後放棄粉色戰衣，改以紅色「搶」高收視！
張文慈速成「踢撻舞」，跳起來有板有眼。