容祖兒愛玩Dress Code一味靠衝
樂壇天后容祖兒（Joey）自爆會與工作人員及排舞師夾Dress Code：「前年舉行個唱，日日排舞排通頂，分唔清邊日打邊日，我就諗到夾着衫嘅主題，例如以睡衣Look排舞，仲會影相留念，咁就分得清啲日子。」又笑言今年在新歌《加大力度》中排舞所需的體力足以考警察！她自爆渴望與前輩杜德偉合作：「我媽咪好迷戀杜德偉，如果可以同佢合唱，媽咪一定錫死我！」
在台上華麗動人的Joey，原來放假時最愛牛記笠記：「我做咗bossini代言人3年，因為佢好反映到我嘅性格就係開心同Casual。其實我份人好衝動，似足憤怒鳥中嘅黃色小鳥，一味靠衝！」臨近聖誕，問到想收甚麼禮物？她說：「由細到大我都未試過喺屋企擺聖誕樹，所以好想有人送棵真嘅聖誕樹嚟我屋企！」
Joey嘟晒嘴，看來她真的好想擁有一棵聖誕樹！
Joey自言性格橫衝直撞，似足憤怒鳥。
Joey在台上盡展華麗一面，但原來她最愛Casual打扮。