連綺嵐無病呻吟

連綺嵐清楚何謂「不在沉默中爆發，就在沉默中滅亡」，她將叫床聲化為殺着，叫到可以參演微電影、出書及做娛樂主播，「性女」之名當之無愧！

如果多工作算是人氣指標，連綺嵐（Vienna）今期算紅，她說：「最近有份演嘅微電影《我愛草食男》推出，呢輪忙宣傳、寫書同做主播。第一次拍電影真係獲益良多，講我要Kiss一個唔想畀我Kiss嘅人喎！我未試過畀人拒吻囉！呢個細我十年嘅對手皮光肉滑，我真係想問：『你係咪處？做過未o架？』（心動？）我就快30歲喇！初戀對象個大學生都大我五年啦！我最怕『湊仔』，不過幾多歲都好，要有腦囉！男同女都係。」

「我唔嗲唔姣」

「有腦」Vienna將叫床聲化為殺着，幾乎令成語「無病呻吟」再無貶義，她說：「我嘅出位言行受過唔少攻擊同性騷擾，試過傷心到喺屋企喊，但我冇後悔，我幕前講性，唔代表我收工都係咁，我寫書講性，八成係個人經歷、真實感覺，係想香港男士多啲了解女性點睇性，如果有人誤會咗我嘅親切，以為我喺度姣人，Sorry，我真人一啲都唔嗲唔姣！」