MastaMic唱爆樂壇 出錢出力似打雜
饒舌歌手MastaMic是獨立音樂人，沒有後台撐腰，他坦言可更放心做自己想做的音樂，卻表示有苦自己知：「其實依家係自資出碟，一個人做緊5、6個人嘅嘢，感覺好似做緊打雜，開頭好享受，但依家覺得係必需，想做好一件事畀大家睇！」
MastaMic的新歌《流行無罪》講述對現今樂壇的看法，更將唱Rap比喻為埃及菜，他說：「大家一睇歌名就會覺得我好似鬧緊樂壇咁，我覺得流行歌係必需，但其實唱Rap好似埃及菜咁，少人認識唔代表佢唔好食，Rap亦一樣，唔代表唔好聽，只係想有個平台多啲人識，喺中間搵個平衡點！」
身為饒舌歌手的MastaMic，希望讓更多人認識Rap文化。
MastaMic對音樂充滿理想及熱誠，故不介意凡事一腳踢。