禿頭亞生吳華星鍾意飛來蜢

被外界喪彈禿頭凸腩的亞洲先生（亞生）參選者吳華星，雖未能入圍，卻獲日本電視台訪問，自言33歲前死讀書的他，揚言會全力進攻娛樂圈：「我唔係傳統靚仔，參賽只想做諧星，估唔到外國都留意我。我33歲前睇唔起發明星夢嘅人，依家自覺浪費前半生用晒啲時間讀書，連拍拖都未試過，參選當補償，我未禿頭前都靚仔，有女仔撩傾偈，讚我似《對你愛不完》嘅郭富城。（唔試吓追人？）要讀書囉！我有少少宅，鍾意女性主動，因為我細個被人蝦，大個想人錫，我知咁諗冇人認同，但我想堅持做自己。（想日本妹睇完訪問結識你？）我知自己事，但若果睇完覺好笑，歡迎多啲留意我！」

落選「亞生」吳華星希望入行做諧星。