蔣家旻收金箔蛋糕賀牛一
藝人蔣家旻日前在工作中過生日，周家蔚、陸詩韻及陳倩揚為她慶祝，工作人員送上金箔生日蛋糕，自稱「宅女」的家旻，生日願望是365日有工開，也不渴求拍拖。
無綫小花蔣家旻本月10日23歲生日，她指今年能在生日當天拍廣告度過，別具意義：「做藝人有工開至好，我想一年開足365日工添呀！生日可以同工作人員一齊過幾好吖！倩揚、家蔚同詩韻都係我好朋友，熱熱鬧鬧一齊過好開心，廣告商邀請我拍廣告已經係一份好大嘅生日禮物，工作人員當日仲特別為我安排金箔生日蛋糕，令我好窩心，廣告商仲封咗封大利是畀我，今年生日真係特別有意義！」
專注事業
問到是否有男朋友陪慶生更感溫暖，她說：「我係名副其實『宅女』一名，唔係太恨拍拖，想專注事業發展多啲，我有份演嘅《愛．回家》加到300集，《大太監》又熱播中，我希望多啲觀眾認識我，我依家係事業型！就算平日有時間都只想陪屋企人同好友，拍拖啲嘢，我都唔強求嘅！」
蔣家旻獲工作人員送贈金箔蛋糕，相當開心。
周家蔚（右起）、陸詩韻及陳倩揚在工作中與蔣家旻共慶生辰。
蔣家旻與三名好姊妹一齊拍廣告。
蔣家旻在工作中度過生日，她希望一年365日有工開。
蔣家旻參演的《愛．回家》添食至300集。